‘राजा साहेब’ को मानमर्दन

नेपाल सरकारले नेपाली चलचित्रलाई पनि बिदेशी चलचित्रसहर चलचित्र बिकाश शुल्क तथा एमजी -न्यूनतम ग्यारेन्टी) लगाएको बिरोधमा नेपाली चलचित्रकर्मीहरु -बिशेषगरी निर्माता तथा हलवालाहरु) ले चलचित्र बिकास बोर्डमा आयोजना गरेको धर्ना कार्यक्रममा कलाकार,निर्माता तथा निर्देशक नीर शाहले देखाएको उद्दण्डले अहिले नेपाली चलचित्र बृत्त तातेको छ । नीर शाहले चलचित्र संघको ब्यानर तानेर,’यिनीहरु बिदेशी फिल्मका दलाल हुन् । यिनीहरुले नै बिरोध गर्ने ?’ भनेर आक्रोशीत भएका थिए । बिचरा नीर राजाको उक्त क्रियाकलापबाट हलवाला निकै आक्रोशीत बनेर राजालाई झण्डै गोदेका । नीर शाह जस्तो मान्छेलाई हलवालाहरु प्रदिप उदय र राजकुमार पोखरेलले गरेको ब्याबहारले त्यहाँ ‘धर्ना दिन’ भेला भएका चलचित्रकर्मीहरुले ‘आम्मै’ को जिव्रो अनायासै टोकेका थिए । राजा पनि किन नराक्किउन त ? नेपाली चलचित्र,टेलिभिजनको इतिहासमा उनको योगदानको कदर गर्दै सम्मानको खादा ओढाउनु पर्ने बेलामा आफू भन्दा ‘जुनीयर भाइ’ हरुबाट त्यसरी अपमानीत हुनु पर्दा उनको मन कस्तो भएको होला ? यो बारेमा अलिकत पनि बिबेक किन नपुर्याएका होलान ती हलवालाहरुले । बिचरा नीर राजाको जिन्दगीमै त्यसरी सार्वजनीक रुपमै अपमान भएको पहिलो घटना हो यो । शाहलाई घचेट्दै हात हाल्न खोजेका ती हलवालाहरुले उनलाई ,’अहिले ज्ञानेन्द्रको शासन छैन । मण्डले भएर दादागीरि देेखाउने’ भन्दै आक्रोशीत भएका थिए । अनि त नीर राजा रिसले आगो हुँदै त्यहाँबाट बाहिरिएका थिए । बीचमा राजकुमार राई गएर नछुट्याएको भए नीर राजा र हलवाला बीच ‘रियल फाइट’ पर्ने थियो ।
यो घटनाले राजासाहेब आक्रोशीत त छदैछन्, त्यसमा पनि उनको मनमा पूर्वराजा ज्ञानेन्द्रको जस्तो ‘म टुलुटु्लु हेरेर बस्ने राजा होइन । म एक्काइशौ शताब्दीको राजा हुँ ।’ भन्ने ‘मनोलक’ नपलाएको होला भन्न पनि सकिदैन । अब हेरौ, अगाडि के के हुन्छ । निर्माता/ हलवालाहरु चलचित्र बिकास शुल्क र एमजी हटाउनै पर्ने मागका साथ ‘संघीय लोकतान्त्रीक गणतन्त्र नेपाल सरकार’ लाई पन्ध्र दिने अल्टीमेटम दिएर आन्दोलनरत छन् । नेपाल सरकारले पनि केही सोच्दै होला की भन्ने आशा त गर्ने पर्यो । हैन र ? नारायण ।

Tags: Neer Shah