जीवनसाथी, दीपकले निर्देशन गरेको तेस्रो फिल्म हो । जसमा उनले सोलो हिरोइन लिए- झरना थापालाई । सुटिङताकाको एउटा नमीठो प्रसंग पनि कोट्याए-बैरेनीको बेसक्याम्पमा सेट लगाएर जीवनसाथीको क्लाइमेक्स सुटिङ भइरहेको थियो । झरनाले आफू सोलो हिरोइन भएको फिल्म छाडेर काठमाडौंमा सुटिङ भइरहेको उगेन छोपेलको बादलपारि फिल्मको एउटा गीतको टुक्रामा नाच्न जानका लागि हतारो गरिन् । त्यसकारण क्लाइमेक्स ठोकठाकमा सिध्याउनुपर्‍यो । यसमा पनि आफू नयाँ भएकाले नगनेको हो कि भन्ने भान परेको रहेछ उनलाई । ‘म त सानो डाइरेक्टर, भर्खरै तेस्रो फिल्म गर्दै गरेको । उगेन छोपेल, विनोद शेरचनको फिल्म भनेपछि मेरो फिल्मलाई त बालमतलब !’ दीपकले भने, ‘त्यतिवेला उनी प्रोफेसनल थिइनन् ।’
अजम्बरी मायामा दीपकले पहिलोचोटि सँगै काम गरे निरुता सिंहसँग । ‘निरुता सबै कुरामा पर्फेक्ट । मिलनसार, कलाकारिता बुझेकी, सिनियरलाई रेस्पेक्ट गर्ने, अभिनय पनि उत्तिकै राम्रो ।’ त्यसपछि उनका अन्य आधा दर्जन फिल्ममा काम गरेकी निरुताको तारिफ गर्दै उनले थपे, ‘म त भन्छु, निरुता आजसम्मकै सबैभन्दा राम्री हिरोइन हुन् । उनका हरेक पक्ष पूर्ण छन् ।’ अजम्बरी माया मा उनले अरुणिमा लम्साल र कादम्बीनी पाण्डे, दुई जना युवतीलाई छोटो भूमिकामा प्रस्तुत गरे । अरुणिमा अहिले चर्चित नायिकाको कोटीमा पर्छिन् भने कादम्बिनी त्यसपछि ग्रहण फिल्ममा सहनायिका भई देखापरिन् । ग्रहण नचलेपछि उनलाई अरू फिल्ममा देख्न पाइएको छैन । अरुणिमाको अहिलेको सफलताको तारिफ गर्छन् उनी । ‘अरुणिमामा त्यतिबेलै प्रचुर मात्रामा कलाकारिता देखेको थिएँ,’ निर्देशकसाहेबले भने, ‘पछि आफूलाई प्रमाणित गर्दै गइन् ।’
निर्देशक दीपकले अर्काे फिल्म निर्देशन गरे, आफ्नोपन । जसमा निरुता सिंहका साथै मुना कार्की र अनिता अधिकारी पनि नायिकाको रूपमा थिए । ‘मुना सहजताका काम गर्ने, लामो-लामो संवाद पनि एकचोटिमै बोल्न सक्ने खुबी भएकी नारी हुन्’ मुनाको सवल पक्ष केलाउँदै अनिताको दुर्बल पक्षको बारेमा बोले उनी, ‘त्यतिवेलै अनितामा जीवन्त अभिनय गर्ने क्षमता न्यून थियो । नृत्यमा पनि कमजोर । सायद त्यही कारणले उनी स्थापित भएको देख्न नपाइएको ।’
दुःख निर्देशक दीपकको हिट फिल्ममध्ये एक हो । जसमा निरुताका साथै सौजन्या सुब्बा पनि थिइन् । निरुताको कुरा गर्न त के बाँकी रह्यो र ! सौजन्याको बारेमा उनले भने, ‘त्यतिवेलै सबैले उनको पर्फमेन्सको तारिफ गरेका थिए । बीचमा कता-कता सिरियलतिर लागिन् । अहिले ठूलो फिल्म खेलेकी छिन् भन्ने सुनेको छु । उनी सम्भावना बोकेकी हिरोइन हुन् । अरूभन्दा पनि अभिनयले खान सक्छिन् उनी ।’
राम-लक्ष्मण फिल्ममा पनि फेरि निरुतासँग काम गरे उनले । थप थिइन्, उषा पौडेल । उषालाई राम्रो रोल दिएको भए पनि उनले आफूलाई सहज रूपमा प्रस्तुत गर्न नसकेको बताउँदै उनले भने, ‘काममा ध्यानकेन्दि्रत गर्न नसकेको पाएँ ।’ त्यतिवेला उषाले बच्चाको जस्तो व्यवहार देखाएको स्मरण गर्दै उनले सम्भिmए, ‘पोस्टरमा आफ्नो फोटो राखिएन भनेर मेरो कुरा काट्दै हिँडिन् । पोस्टरमा कसको फोटो राख्ने, कसको नराख्ने भन्ने कुरा त निर्माता निर्देशकको बिजनेस पोलिसी हो नि ! त्यो उनले बुझिनन् । जसका कारण उनी प्रोफेसनल लागिनन् मलाई ।’ त्यसपछिका उनका फिल्ममा उषा दोहोरिएकी छैनन् ।
नायिका सज्जा मैनालीसँग पहिलोचोटि भाइ-भाइमा काम गरेका निर्देशक दीपक उनको कामबाट निकै प्रभावित भएको बताउँछन् । ‘कलाकारकी छोरी, सबैलाई उत्तिकै आदर गर्ने । अभिनय, नृत्य तथा संवाद सम्प्रेषण शैली पनि अब्बल । अनि पूर्ण व्यावसायिक । कमजोर पक्ष केही देखिनँ,’ सज्जाको अभाव खड्किने गरेको बताउँदै उनले भने, ‘सज्जा कलाकारिताले भरिपूर्ण कुशल नायिका थिइन् ।’
रेखा थापासँग हिम्मतमा पहिलोचोटि सँगै काम गरेका उनले भने, ‘हिम्मतमा रेखा तेब्बर भूमिकामा थिइन्,’ अलि स्पष्ट पाराँै न ! अनि उनले खोले, ‘डबल रोल त्यसमाथि त्यो फिल्मको निर्माता पनि उनी आफँै । भएन त तेब्बर ।’ रेखा निकै व्यावसायिक र फिट नायिका भएको बताइसकेका छन् उनले ।
दीपकले निर्देशन गरेका मध्येमा अहिलेसम्म कम व्यवसाय गरेको फिल्म आमाको आशीर्वादमा उनले फेरि लिए निरुतालाई । पहिलोचोटि काम गरे सञ्चिता लुइँटेलसँग । ‘नरम स्वभाव । अहमताविहीन । अभिनय, नृत्य, लुक्स पनि पर्फेक्ट ।’ सञ्चिताको बारेमा उनले भनेे, ‘सरिफ हिरोइन । उनीसँग अहिलेसम्म पनि सौहार्दपूर्ण सम्बन्ध छ ।’
करिश्मा मानन्धरलाई पहिलोचोटि निर्देशन गरे निर्देशक दीपकले पापी मान्छेमा । ‘एउटा सपना थियो, उहाँसँग काम गरूँ भन्ने,’ उनले बताए, ‘उहाँ मान्छे मात्र राम्रो नभई काम पनि उत्तिकै राम्रो । डे्रसअप सेन्स पनि भएकी । आफँै डे्रस डिजाइन गर्ने । कलाकारिताले भरिपूर्ण ।’ यति हुँदाहुँदै पनि करिश्माको चित्त नबुझ्दो पक्ष पनि उजागर गरे उनले- अलि मुडी टाइपकी । अरूको कठिनाइ नबुझ्ने । कुन वेला के जंग चल्छ, सुटिङमै नआइदिने । यो बानी भने सुधार्न जरुरी देख्छु म ।’
नायिका सज्जासँग कृष्ण-अर्जुन फिल्ममा फेरि सँगै काम गरेका निर्देशक दीपकले त्यसपछि नायिका झरना थापाको निर्माणमा तक्दिर फिल्म निर्देशन गरे । त्यतिवेला भने उनलाई लाग्यो, झरना प्रोफेसनल भइसकिछन् । ‘निकै सौहार्द
वातावरणमा काम गरियो । कुनै टेन्सन भएन ।’ उनले भने, ‘फिल्म पनि त सुपरहिट भयो नि ! झरनाले पहिलोचोटि बेस्ट हिरोइनको अवार्ड जितिन् । झरनाको करिअरको टर्निङ प्वाइन्ट बन्यो त्यो फिल्म ।’ झरना अहिले निकै प्रोफेसनल भएको बताउँदै उनले थपे, ‘उहाँ सबै कुरामा पर्फेक्ट हुनुहुन्छ । विगतका कमी-कमजोरीलाई पूर्ण रूपले सुधार्नुभएको छ ।’
निर्देशक दीपकले पर्खी बसें फिल्ममा यमुना उप्रेती -अचेल युना) लाई सोलो हिरोइन लिए । साइबर संसारमा फोटो हेरेर अडिसन लिइ हिरोइनका लागि छनौट गरेको बनाउदै उनले भने,’युना अभिनय, नृत्य, सम्वाद सम्प्रेषण, सबै कुरामा पूर्ण छिन् । उनको हाइटले पनि साथ दिएको छ । देख्दैमा हिरोइन लाग्छिन उनी,’ युनाको प्रसंसा अझै थप्दै उनले भने,’उनको स्वर पनि निकै मिठो छ । मिलनसार, अहमता छैन । आउदो दिनकी उदाउदी नायिका हुन उनी ।’ निर्देशक दीपक नायिका युनाको गडफादर मानीन्छन् । ‘आफुले ल्याएको कलाकारको संरक्षण पनि आफैले गर्नुपर्छ भन्ने मान्यता मेरो छ । त्यसकारण पनि उनलाई मेरा प्राय फिल्ममा खेलाएको छु,’ स्पष्टिकरण दिदै उनले भने,’उनी आफैमा योग्य छिन् जसकारण उनी दिनानुदिन सफतान्मुख छिन् ।’ आफैले निर्माण गरेको हिम्मत २ फिल्म उनले युनालाई दोहोरो भूमिकामा अभिनय गराएका छन् । ‘हिम्मत २ रिलीज भएपछि बल्ल सुरु हुन्छ युनाको असली करिअर’, भबिष्यवाणी गर्दै उनले भने,’त्यो फिल्ममा उनले द्धन्द्धका खतरनाक स्टण्टहरु गरेकी छिन् । जुन कमैले मात्र गर्न सक्छन् । युनालाई चम्काउनेछ यो फिल्मले ।’
उनको सपना थियो रे, पुरानी नायिका तृप्तीसँग काम गर्ने । ‘त्रिशुलमा पूरा भयो,’ सानैमा तृप्ती अभिनीत सम्झना फिल्म हेरेको बताउदै निर्देशक दीपकले भने,’एक दमै माइडिएर, हासीहासी काम गर्ने । उहिल्यैदेखि अहिलेसम्म पनि उत्तिकै चार्मीङ । निकै रमाइलो स्वभावकी । साँच्चीकै हिरोइन लाग्यो उनी ।’ त्रिशुल फिल्मले दिपकले अर्की नायिका नन्दिता केसीलाई आफ्नो निर्देशनमा काम गराए । नन्दिता सोझी लाग्यो उनलाई । ‘स्पटमा पनि धेरै नबोल्ने । नखरा पनि नपार्ने । सरल मिजासकी ।’ नन्दिताको कमजोर पक्ष पनि याद गरेका रहेछन् उनले । भने,’सबै कुरा औसत हो । तर उनले कुनै कुनै सम्वाद प्रस्टसँग बोल्न नसकेको पाएको छु । कोसिस गरे सुर्धान सकिन्छ । अलि दमदार बनाउन जरुरी छ ।’
पूजना प्रधानलाई भने माझीएकी हिरोइनको रुपमा बुझेका रहेछन् उनले । पापी मान्छे २ मा पहिलोपटक पूजनालाई आफ्नो निर्देशनमा काम गराएका दीपकले भने,’उनीमा नर्वसनेस, संकोच भन्ने कुरै छैन । निकै कन्फीडेन्टका साथ अभिनय गर्छिन । डाइलग डेलीभरी, डान्समा पनि पर्फ]{ट पाएँ ।
फेरि युनालाई खेलाए पहिलो पहिलो माया फिल्ममा उनले । त्यसपछि उनले निर्देशन गरेको फिल्म हो यही मायामा भने नयाँ हिरोइन लिए, जानकी -अचेल जिया) केसी । अहिलेकी सबैभन्दा सून्दर नायिका लाग्छ जिया उनलाई । ‘कता कता करिना कपुर र केट्रिना कैफको लुक्स आउछ जियामा’, जियाको कमजोर पक्ष पनि केलाए उनले,’आउटलुक, अभिनय राम्रो भए पनि नृत्यमा भने अझै मेहनत गर्नुपर्छ उनले ।
पछिल्लो समयमा सूर्यचन्द्र फिल्म निर्देशन गरेका दीपकले त्यो फिल्ममा युनाका साथै निर्माता रम्भा ओली -अहिले मुरारी पोखरेल मात्रै) की श्रीमति शुभश्री नायिका छन् । ‘शुभश्रीको इन्ट्री नै ढिलो भएजस्तो लाग्यो,’ सुन्दरता र अभिनय राम्रो भए पनि नायिका बन्न ढिलो भएको अनुमान गर्दै उनले भने,’कोसिस गरे नहुने के छ र ?’
अब निर्देशक दीपकले रेखा थापा, चिरञ्जीबि बस्नेत र गोपीकृष्ण मुभीजका चार वटा फिल्म निर्देशन गर्दैछन । ती चार फिल्ममा माथि उल्लेखीत मध्येकै हिरोइन रहने बताउदै उनले भने,’नयाँ हिरोइन पनि चाहिएको छ । पाइएको छैन ।’

डेनी द डगमा नायक जेट ली एउटा बफादार कुकु्रको भूमिकामा छन् । उनको घाटीमा कुकुरलाई झै पट्टी लगाइदिए पछि मालीकको आदेशको आँखा चिम्लीएर पालना गर्छन । इन्साफमा भने निखिल उप्रेतीले कुकुरको भूमिका निभाएका छन् । डेनी द डग मा झै इन्साफमा पनि निखिल आफ्नो मालिक बनेका कमेडी भिलेन बिक्रान्त बस्नेतले जे भन्छन्,त्यही गर्छन् आँखा चिम्लीएर । इन्साफ हुबहु चोरिएको छ ।

यो कुरा निर्मात्री बनेकी कृषा चौलागाइँलाई थाहै रहेनछ । उनलाई त यो कथा बबाल लागेर पैसा लगाएकी हुन रे । मेन भिलेनको रोल निभाएका धीरेन शाक्यलाई पनि फोटोकपी कथामा खेलेको कुरा थाह रहेनछ । भन्छन्, ‘ए हो र ? मलाई त इन्साफको कथा बहुत गजबको लागेको थियो । सोभीतले चोरेको रै छ ।’ कमेडी भिलेन बनेका बिक्रान्तले पनि आफूलाई चोरिएको फिल्म खेलेको छु भन्ने पत्तो नभएको बताउछन् ।

कुकुर बनेका नायक निखीललाई भने यो कुरा थाह रहेछ । भने, ‘के गर्नू यार, प्रोड्युशर,डाइरेक्टरले नै हुबहु चोरेर फिल्म बनाउँछन् । म त कलाकार हुँ, खेल्छु । यस्तो फोटोकपी नै भने गर्नुहुदैन ।’

यो कुराबाट के देखिन्छ भने, निर्देशक पौडेल हुन की अरुणीमा ? हिन्दी फिल्म चोरचार गरेर नरेशले ‘दीप शिखा’ को ‘स्त्रिप्ट राइटर’ मा नायिका अरुणीमाको नाम त लेखाए लेखाए । यस्तै चाल रहिरहने हो भने भोलि यो फिल्मको निर्देशकमा उनै प्यारी अरुणीमाको नाम नआउला भनेर ठोकुवा गर्न कहाँ सकिन्छ र ? होइन र ? छोरी अरुणीमाले निर्देशक पौडेलको कानमा खुसखुस गरेपछि त्यही सट अर्को टेक लिने अर्डर भएपछि अरुणीमाकी आमा राधाको अनुहारमा गजबको चमक आएको स्पष्ट देखिएको थियो । ल है बधाइ छ अरुणीमालाई !

फेसबुकमा हास्य कलाकार हरिवंश आचार्य र मदनकृष्ण श्रेष्ठ (महजोडी) को फ्यान क्लबमा अहिलेसम्म ६ सय १५ जना शुभचिन्तक छन् । तर, यो कुरा न त ‘म’ लाई थाहा छ न त ‘ह’ लाई नै । हरिवंशले भने, ‘ए हो र ? हामी (मदनकृष्ण श्रेष्ठ र हरिवंश) ले त त्यस्तो केही गरेका छैनाँ । मलाई यसबारे थाहै छैन । कोही मित्रले हाम्रोबारे प्रकाशन गर्नुभएको होला । …मेरो छोरो मोहितले कता हो हल्का कुरा गरेजस्तो लागेको थियो । तर, कार्यव्यस्तताका कारण बाबु-छोराको राम्ररी कुरा पनि हुन पाइरहेको छैन । मौका मिलाएर हेर्नुपर्ला ।’

‘मह’ को झै फेसबुकमा नायक राजेश हमालको पनि फ्रयान क्लब छ । फेसबुकमा हमाल आफँले एकाउन्ट खोलेर आफ्नो ‘इन्र्फमेसन, म्यासेज’ राखेका हुन् कि अरू कसैले हो भन्नेमा नायक हमाल बेलायत गएकाले उनीसँग प्रत्यक्ष सम्पर्क हुन त सकेन, तर उनको पारिवारिक स्रोतका अनुसार यसबारे उनलाई केही पनि जानकारी छैन ।

हास्य कलाकार मनोज गजुरेल पनि फेसबुकका आकर्षण हुन् । उनको देउसी गीत तिहार नआउँदै फेसबुकसाथीले हेर्न पाइसकेका थिए । उनले आफ्नो भिडियो एल्बम ‘फोटोकपी’ लाई प्रोफाइल फोटोमा राखेका छन् ।

फेसबुकमा अर्का स्टार-भुवन केसी पनि छन् । उनका थुप्रै’फ्रेन्ड, फ्यान’ छन् । तर, अपशोच यो कुरा नायक भुवनलाई पनि थाहा रहेनछ । नायक भुवनले भने, ‘खै, मलाई त यसबारे केही थाहा छैन । ए…हैन/हैन…मेरो एकजना साथीले गरिदिएको हो ।’ को साथी ? नाम भन्नुहोस् न । ‘नाम…खै यार, के पो हो, नाम…मेरो अर्कौ मोबाइलमा छ । मैले पनि हेरेको छैन । हेर्ने रहरचाहिँ छ ।’

फेसबुकमा असली ‘लग अनर’ कलाकारमा चाहिँ गायक राजेश पायल राई भेटिए । उनले आफ्नोबारे ‘लेटेस् म्यासेज, इन्फरमेसन्स’ अपडेट गर्ने गरेका छन् । राईका अनुसार उनले फेसबुकमा एकाउन्ट खोलेको झन्डै चार महिना भयो । ‘फेसबुकबाट मलाई धेरै फाइदा भएको छ । आफूले गरिरहेको कामको बारेमा तत्काल मान्छेसमक्ष सन्देश पठाउन, नयाँ-नयाँ साथी बनाउन निकै सजिलो भएको छ । तर, के गर्नू म कार्य व्यस्तताका कारण आफैँले ‘लग अन’ गरिरहन सक्दिन । मेरा साथीहरू हुनुहुन्छ, उहाँहरूले मेरो म्यासेज अपडेट गरिदिनुहुन्छ । अहिले मेरो फेसबुकमा अर्थमन्त्री डा. बाबुराम भट्टराई पनि ‘फ्रेन्ड’ हुनुभएको छ । भगवान् जाने त्यो मन्त्रीज्यू आफैँले गर्नुभएको हो कि अरू कसैले हो । अचम्म लागेको छ ।

 ‘खै बुबा कुन चाहि हो । अलि गाह्रो पर्यो । के भयो र भन्नुस् न ।‘ अनि बूढाले भने,’हेर्नुस न बाबु झण्डै चार बर्ष भइसक्यो त्यो हिरोले यहा बसेर खाएको साढे २२ हजार रुपैया तिरेको छैन भन्या । डेढ महिना बस्यो दशैतिहारमा पनि घर गएर । आफ्नै परिवारको मान्छे झै भएर बस्यो । साढे २२ हजार बिल भएको थियो । मसाग अहिले पैसा छैन । काठमाण्डौ गएर पठाइ दिन्छु भनेर हिडेको अहिलेसम्म एक सुक्को पनि पठाएको छैन । कान्छो छोराले काठमाण्डौमै गएर बिल दियो । भोलि भोलि भन्दा भन्दै पैसै दिएन ।‘

मलाई अचम्म लाग्यो । कुन चाहिा हिरो होला त ? जुङा, चश्माधारी नेपाली हिरो सम्झदै गएा । याद आएन । त्यसै बीच त्यस होटलका वास्तबिक मालिक, शर्मा बूढाका जेठा छोरो आए । बूढाले छोरालाई सोधे । ‘हाम्रो साढे २२ हजार खाएर भाग्ने हिरोको नाम के रे जेठा ?’ जेठा दाइले फ्याट्टै भनिहाले,’सीमान्त उदास । ‘ उनले अगाडि थपे, ‘चार वर्ष जति भयो । ‘शुभकामना‘ फिल्म चलाउन आएको हु भनेर मेरो होटलमा बस्यो । जाने बेलामा मसाग पैसा छैन । काठमाण्डौ पुग्ने बित्तिकै पठाइ दिन्छु भनेर हिड्यो । हामीले पनि हिरो जस्तो मान्छे । पैसा पठाइदिइ हाल्छ भन्ने ठान्यौ । तर, उसले पैसै पठाएन । हामीले पैसा दिइ हाल्ला भनेर उसको खोजी नै गरे नै तर हेर्नस् त हाम्रो जस्तो यो सामान्य होटलमा चार चार वर्षर्देखि त्यत्रो पैसा अड्काइदिदा के हालत भएको होला । तपाई सोच्नुहोस् त । लौन, काठमाण्डौमा कतै त्यो भेटियो भने हाम्रो गुनासो सुनाइ दिनुहोला न । हामी जस्तो मान्छेको त्यत्रो पैसा खाएर तिर्न नखोज्न फिल्मलाइनको मान्छेप्रतिको श्रद्धा, बिश्वास नै हराउन आट्यो हाम्रो त ।‘ त्यसै क्रममा उनले ‘आमाको काख‘ चलचित्रका निर्देशन बिजय केरुङले पनि आफ्नो होटलमा पैसा तिर्न बाँकी रहेको कुरा बताउदै, ‘उ पनि भाग्यो । अचेल यहाँ आउदैन । बिर्तामोडतिरको होटलमा बस्छ रे । त्यता पनि पैसा नतीरेर धुरुक्कै बनाएको छ रे । सीमान्तले पनि बिर्तामोडमा पैसा तिर्न बााकी छ रे ‘ भने ।

अर्को दिन होटलवालाका कान्छो भाइले कताबाट हो कुन्नी सिमान्त उदासको नम्बर पत्ता लगाएर सीमान्तलाई फोन गरेर उनले तिर्न भएको पैसा मागे । तर, सीमान्तले पैसा दिने कुनै सुरसार नै कसेनन् । उनले फोनमा भने (मोबाइल ह्याण्ड्स् फ्री थियो ) ‘ए भाइ, अहिले मसाग पैसा छैन । मैले अहिले ‘मिसन नेपाल‘ भन्ने फिल्म बनाइरहेको छु । त्यो फिल्म बनेर चलेपछि पैसा उठ्छ । अनि पैसा पठाइ दिउला है….‘ भनेर फोन काटे ।

ल अब अनुमान गर्नुस्, सीमान्तको फिल्म कहिले बनिसक्ला, कहिले प्रदर्शनको पालो पाउला र प्रदर्शन होला अनि पैसा उठ्ला र त्यो होटेलको पैसा तिर्लान  ? त्यत्रो पचास लाख रुपैयाा लगाएर फिल्म बनाउने मान्छेले साढे २२ हजार रुपैयाँ तिर्न पनि त्यति धेरै समय लगाउने ? सीमान्त, बिजय केरुङको ती होटलवालाहरुप्रतिको ब्यावहारले गर्दा उनीहरुको मस्तिष्कमा ‘फिल्म लाइनका मान्छेहरु जाली, फटाहा, ठग हुन्छन् । उनीहरुले धोका दिन्छन् ।‘ भन्ने भ्रम परेको छ । त्यसैले प्लीज सीमान्त, बिजय तथा अन्य जो कोही पनि जसले कसैलाइै फिल्म लाइनको मान्छेको रुपमा परिचय दिए्र उधारोसुधारो खाएको छ भने अबिलम्ब पैसा तिरिदिउँ । ताकी भोली अन्य कुनै ठाउामा गएर फिल्म लाइनमा काम गर्छु भन्दा अर्को सीमान्त या अर्को बिजयले पैसा ठगेको कु्रा सुन्नु परेर आफै लज्जीत बन्नु नपरोस् । जे भए पनि बाँकी रकम तिरौं…एकै चोटी नसके पटकपटक गरेर किस्ताबन्दी रुपमा तिरौं । ताकी फेरि कुनै होटलवालाको मुखबाट फलानो फिल्मवालाले मेरो यति ठग्यो भनेर सुन्नु नपरोस् । नारायण । 

“अहिलेका जति पनि हिट हिरोनीहरु छन्, ती सबै कोही न कोही निर्माता/ निर्देशकसँग सुतेरै हिरोनी भएका छन् । त्यसैले तँ धेरै सति साबित्री बन्न नखोज । कृष्णेले कसैलाई पनि फोकटमा हिरोनी बनाउँदैन ।”

अहिले एउटा दुस्प्रयासको चर्चाले नेपाली चलचित्र उद्योग गरमागरम भएको छ । त्यो के हो भने निर्माता संजय कुटु र निर्देशक कृष्ण चापागाईले एउटै केटी माथि आँखा गडेर बलात्कारको प्रयास समेत गरेछन् । ती केटी, अर्थात नायिका हुन्-ममता प्रधान । बिराटनगरतिर घर भएकी ममतालाई हिरोइन बन्ने धून चढेछ र उनी पुगीछन् ती निर्माता निर्देशकहरुसम्म । ‘साउनमा आँखा फुटेको गोरुले सँधै हरियो नै देख्छ’ भन्ने नेपाली उखानलाई चरितार्थ गर्दै ती निर्माता/निर्देशकले पनि ममताको मस्त जवानीको रस चुस्ने प्रयास गरेछन् ।बिचरी ममताले अस्ति रिपोर्टस् क्लबमा रुँदै निर्देशक चापागाईले आफूलाई मिनीस्कर्ट दिएर डे्रस चेञ्ज गर्न लगाई ममतालाई कस्तो कपडा सुहाउँछ भनेर फनफनी घुम्न लगाएको र ममताले कृष्णको आदेश पालना गरेको तथा पछि उक्त ड्रेस चेञ्ज गर्न अर्को कोठामा गएको बेलामा कृष्ण पनि प्रबेश गरि उनलाई पछाडिबाट च्याप्प समातेर उनका संवेदनशील अंगहरुमा हात पुर्याएको घटना बताइन् । कृष्णको कंश रुपबाट बच्न प्रतिकार स्वरुप ममताले निर्ममता पूर्वक कृष्णको गालामा कसेर दुई झापड पनि बजाइछन् । अनि त के चाहियो ? ममताको झापडले झवाल्लीएका चापागाईले ममतालाई फिल्मी शैलीमा लछारपछार गरेछन् । ममता भाग्न खोज्ने तर कृष्णले समातेर पछार्ने, मुसो-बिरालाको खेल चलेछ एकछिन् । कसैगरी पनि ममता नमानेपछि कृष्णको मुखबाट तथानाम गालीहरु ममतामाथि बर्सिएछ । ममताले पत्रकार सम्मेलनमा बताए अनुसार कृष्णले- ‘यहाँ कुनै पनि केटी निर्देशक/निर्मातासँग नसुतिकन फिल्म खेल्न पाएको रेकर्ड छैन । मसँग खुरुक्क सुत,म रातारात हिट हिरोइन बनाइ दिन्छु । अहिलेका जति पनि हिट हिरोनीहरु छन्, ती सबै कोही न कोही निर्माता/ निर्देशकसँग सुतेरै हिरोनी भएका छन् । त्यसैले तँ धेरै सति साबित्री बन्न नखोज । कृष्णेले कसैलाई पनि फोकटमा हिरोनी बनाउँदैन ।’ भनेछन् । त्यसपछि कसोकसो ममता कृष्णको राक्षशी पंजाबाट उम्केर भाग्न सफल भइछन् ।
त्यस्तै निर्माता संजय कुटुले पनि राती हल्का मदिरा सेबन गरेर ममताको घरमा गइ ‘तिमीसँग फिल्मको बारेमा कुरा गर्नु छ ।’ भन्दै ममताको हातमा समातेर म्वाइँ खान खोजेछन् । ममताले कुटुको कटु ब्यवहारको प्रतिकार गरिछन् ।
ममता फुत्किीए भागेपछि चापागाईलाई आफ्नो असफल प्रयासले च्याप्न थालेछ । कुटुलाई पनि त्यस्तै भएछ ।
कुटु र चापागाईले आफूहरुको दुब्यबहारको बारेमा ममताले सार्वजनीक गर्न थालेको थाहा पाएर दुबैले ‘जे भो भो । बाहिर हल्ला नगर । हामी तिमीसँग माफी माग्छौ ।’ भनेछन् । ममताले पनि ‘भै गो नि त । एकचोटीलाई माफी दिएँ । ‘ भनिछन् । कुरा सामसुम भयो । तर, घटना घटेको झण्डै एक महिनापछि ममताले यो कुरा किन कोट्याइन त ? उनले ती दुई जनालाई बलात्कारको प्रयास गरेको भन्दै महिला सेलमा किन मुद्दा हालीन् त ? यस बिषयमा ममताले रुदै भनिन्, ‘सहमति पछि उनीहरुले मेरो चरित्रको बारेमा नकारात्मक टिप्पणीहरु गर्दै हिडेको सुनेर मलाई सह्यै भएन र म बाध्य भएर उनीहरुलाई कानूनी कार्वाहीको माग गर्दै पुलीस समक्ष पुगें । उनीहरुले यो कुरा थाहा पाएर ‘हाम्रो बेइज्जत नगर । बरु तिमीले पत्रकार सम्मेलनको आयोजना गर । हामी सार्वजनीक रुपमा तिम्रो खुट्टा ढोगेर माफी माग्छौ र क्षतिपूर्ति स्वरुप तिमीलाई रु ५१ हजार पनि दिन्छौ ।’ भनेका थिए ।’ ममता भक्कानीएर रोइन् । तर अपशोच । उक्त कार्यक्रममा आरोपीतहरु उपस्थित भएनन् ।
ममता आफ्नो यो लडाइ भोलि आउने नव नायिकाहरुको चीरहरण जोगानका लागि भएकाले सबैले यस्ता कुनियतधारीहरुको पर्दाफास गर्नमा सघाउन आग्रह गरेकी छिन् ।
माथिको कुरालाई सर्सती मनन गर्दा के कुरा ख्याल आउँछ भने, नेपाली चलचित्र क्षेत्रमा यस्ता कुनीयतधारीहरु प्रस्सतै छन् । यो कुरा थाहा हुँदा हुँदै पनि जस्तो सुकै सम्झौता गरेर हिरोइन् बन्न खोज्नेहरु ममताको सहास देखेर खुशी नहोलान् तर जसले आफ्नो कला मात्र बेचेर खाने लक्ष्य लिएर यो क्षेत्रमा आउछ,उसले पनि भोलि ममताको झै नियति भोग्नु नपर्ला भन्न सकिन्न । त्यसैले, नायिका बन्न चाहने बहिनी, भाञ्जीहरु हो, यो दाइ/मामाको तिमीहरु प्रति एउटै आग्रह छ की तिमी ममता बन्ने की कृष्ण चापागाईले भने झै ‘रातारात हिट हिरोइन’ बन्ने ? तिम्रै हातमा छ । इज्जत के हो, त्यसको पनि ख्याल गर है बा…नारायण ।